Arsenali është në bisedime me Mino Raiolan rreth një marrëveshje të mundshme me mbrojtësin e AS Romas, Kostas Manolas.

Gazetari në Gazzetta dello Sport, Nicolo Schira ka zbuluar se “Topçinjtë” janë duke diskutuar rreth një marrëveshje prej 31 milionë funtash, transmeton portali arbresh.info.

27-vjeçari është në dispozicion për 31.1 milionë funta (36 milionë euro)  për shkak të klauzolës së blerjes së vendosur në kontratën e tij.

Dhe Arsenali është në bisedime me agjentin e reprezentuesit grek – Mino Raiolan, të cilit i është dhënë një ndalesë prej tre muajve nga Federata e Futbollit të Italisë javën e kaluar që më vonë u bë e ndërkombëtare nga Komisioni Disiplinor i FIFA-së.

“Arsenali është i interesuar me të vërtetë për nënshkrimin me Kostas Manolas, i cili pritet të kushtoj 36 milionë euro (klauzola për ndërprerje të marrëveshjes) nga Roma”, shkruan Schira në llogarinë e tij në rrjetin social Twitter.

“Kontaktet janë duke vazhduar ndërmjet ‘Topçinjve’ dhe agjentit të tij Mino Raiolan”./arbresh.info/